घरेलु उत्पादन बढाउने र ब्यापार घाटा घटाउने सरकारको प्रयासका बाबजुद नेपालले १३३ भन्दा बढी देशसँग व्यापार घाटा बेहोरेको छ । गत आर्थिक वर्षमा नेपालले १७१ भन्दा बढी देशसँग व्यापार गरे पनि ३८ देशसँग मात्रै व्यापार सुध्रिढ रहेको छ भने अन्य देशसँगको व्यापार भने घाटामा रेहको छ।

सबैभन्दा ठूलो व्यापार घाटा भारतसंग रहेको छ। भारतसंग मात्र नेपालको ब्यापार घाटा ९२१.१६ अर्ब रुपैयाँ रहेको छ । भारतबाट आयात १.०३ खर्ब रुपैयाँ थियो भने भारततर्फको निर्यात १६६.८ अर्ब रुपैयाँ मात्रै थियो । त्यसैगरी,दोस्रो ठूलो व्यापार घाटा चीनसँग रहेको छ, जसको रकम २२० अर्ब ९५ करोड रहेको छ । नेपालले चीनबाट २२२ अर्ब ७१ करोड रुपैयाँको सामान आयात गरेको छ भने १ अर्ब ७६ करोड रुपैयाँको मात्रै निर्यात गरेको छ ।

भारत र चीनबाहेक नेपालले अन्य देशसँग पनि व्यापार घाटा बेहोरेको छ । नेपालको इन्डोनेसियासँग ४१ अर्ब ५१ करोड, मलेसियासँग २२ अर्ब ९ करोड, कतारसँग १३ अर्ब १९ करोड, थाइल्याण्डसँग ११ अर्ब २१ करोड र ओमानसँग १० अर्ब ७ करोड रुपैयाँ व्यापार घाटा रहेको छ ।

त्यसैगरी साउदी अरबसँग १० अर्ब ३ करोड, भियतनामसँग ७ अर्ब २६ करोड, सिंगापुरसँग ६ अर्ब ५३ करोड, जोर्डनसँग ६ अर्ब ४६ करोड, फ्रान्ससँग ६ अर्ब २९ करोड, कोरियासँग ६ अर्ब ७४ करोड, जापानसँग ४ अर्ब रुपैयाँ व्यापार घाटा रहेको छ । , ताइवानसँग ३ अर्ब ३७ करोड, जर्मनीसँग २ अर्ब ४० करोड, हङकङसँग २ अर्ब ५१ करोड र क्यानडासँग २ अर्ब २८ करोड रुपैयाँ छ ।

गत आर्थिक वर्षमा आयात १ खर्ब ६१ अर्ब रुपैयाँ रहेकोमा निकासी १ खर्ब ५७ अर्ब रुपैयाँ मात्रै भएको थियो । कुल वैदेशिक व्यापारमा निर्यातको अंश ८.८८ प्रतिशत रहेको छ भने आयात ९१.१२ प्रतिशत रहेको छ ।