कुवेत जान लागेका ११७ जना श्रमिकलाई विमानस्थलको अध्यागमन कार्यालयले फर्काइदिएपछि वैदेशिक रोजगार /म्यानपावर व्यवसायीहरु आन्दोलनमा उत्रिएका छन्।

विमानस्थलको अध्यागमन विभागले बुधबार र बिहिबार कुवेत जान लागेका ११७ जना श्रमिकलाई विमानस्थलबाट फर्काइदिएको थियो।

आन्दोलित म्यानपावर व्यवसायीहरुले श्रमिकलाई फर्काउने काम बन्द गर, अध्यागमन विभागका महानिर्देशक राजीनामा देऊ, अध्यागमनको ज्यादती बन्द गर जस्ता नारा लेखिएका प्लेकार्ड सहित प्रदर्शनमा उत्रिएर कालिकास्थानस्थित अध्यागमन विभाग घेरेका छन्।उनीहरुले फ़र्काइएका श्रमिकलाई क्षतिपुर्ति दिनुपर्ने माग समेत गरेका छन्।

यता,अध्यागमन विभागले भने श्रमिकहरुले पेश गरेको कागजपत्र शङ्कास्पद देखिएको र उनीहरुलाई घरेलु श्रमिकका रुपमा लैजान लागेको कारण फिर्ता पठाइएको जनाएको छ।

विभागले वैदेशिक रोजगार विभागबाट श्रम स्वीकृति लिइसकेका श्रमिकहरुलाई फिर्ता पठाएको हो।