‘मर्निङ वाक’ मा हिँड्ने महिलाको सिक्री लुट्ने गिरोह पक्राउ

  • नेपाल राष्ट्रिय दैनिक
  • २४ असार २०८०, आईतवार १५:००
sikri chor

काठमाडौँ — मर्निङ वाकमा निस्किने महिलाहरूलाई पछ्याएर उनीहरुको सिक्री लुट्ने गिरोहलाई प्रहरीले पक्राउ गरेको छ । गिरोहका पाँच जनालाई पक्राउ गरिएको प्रहरीले जनाएको छ।

प्रहरीले सिक्री लुट्ने गिरोहका मुख्य योजनाकार काभ्रेको पाँचखाल नगरपालिका ७ घर भई हाल बानेश्वर बस्ने उमेश क्षेत्री, चोरी गर्ने रामेछापको लिखु गाउँपालिका १ घर भई हाल काठमाडौंको हाँडीगाउँ बस्ने रवीन दमाई, मोटर साइकल चलाउने सुनसरीको धरान उपमहानगरपालिका ८ घर भई हाल चावहिल बस्ने रवि विक, चोरीको सुन बिक्री गर्न सहयोग गर्ने धनकुटा घर भई हाल राममन्दिर बस्ने राहुल माझी र चोरीको सुन खरिद गर्ने भारतको पश्चिम बंगाल घर भई हाल न्युरोड बस्ने श्रीकान्त मैतीलाई पक्राउ गरेको हो ।

उनीहरूले चोरी गरेकै बाइक प्रयोग गरेर मर्निङ वाकमा निस्किने महिलालाई पछ्याउने र लुटपाट गर्ने गरेको पाइएको प्रहरीले जनाएको छ ।उनीहरूले बीस दिनको अवधिमा शृंखलाबद्ध रुपमा ८ पटक सिक्री लुटेको पाइएको छ। उनीहरूले चोरी गरेका गहना तत्कालै गाल्ने र बिक्री गर्ने गरेको प्रहरीले जनाएको छ ।

प्रहरीले उनीहरूको साथबाट सुनको ढिक्का १ थान (११.२ ग्राम), सिक्री लुटपाट गर्ने क्रममा प्रयोग भएका मोटरसाइकल दुईवटा, मोबाइल फोन ६ थान र सुनको नेकलेस एक थान बरामद गरेको छ ।

Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५