प्रधानमन्त्रीको राजीनामा माग्दै प्रतिनिधिसभा बैठक अवरुद्ध

असार २०, काठमाडौँ- नेकपा एमालेले प्रधानमन्त्री पुष्पकमल दाहालको राजीनामा माग गर्दै प्रतिनिधिसभा बैठक अवरुद्ध गरेको छ ।

प्रधानमन्त्रीको अभिव्यक्तिप्रति आपत्ति जनाउँदै, प्रधानमन्त्रीले नैतिकताको आधारमा राजीनामा दिनुपर्ने माग सहित प्रतिनिधिसभा बैठक सुरु हुनेबित्तिकै एमालेको संसदहरूले संसद अवरुद्ध पारेका हुन्।

एमाले सांसदहरुले दिल्लीले बनाउने प्रधानमन्त्री चाहिँदैन र प्रधानमन्त्रीको राजीनामा नआएसम्म यो संसद् अघि बढ्न सक्दैन भन्ने अभिव्यक्ती दिएका छन्। एमालेका सांसद रघुजी पन्तले , ‘हामीलाई स्वाभिमानी प्रधानमन्त्री चाहिएको हो ,लेण्डुप दोर्जेको नेपाली संस्करण चाहिएको होइन ‘ भन्दै संसद चल्न नदिने बताएका थिए।

दलहरूले बैठक अवरोध गर्न थालेपछि सभामुख देवराज घिमिरेले बैठक स्थगित गरेका थिए ।