असार १९, काठमाडौँ- गायक तथा अभिनेता रविन तामाङको निधन भएको छ ।

रविन एण्ड द रिभोलुसन ब्याण्डका मेन भोकलिस्ट रविनको मंगलबार बेलुका बुढानीलकण्ठस्थित आफ्नै निवासमा निधन भएको हो।

अहिले रविनको शवलाई पोस्टमार्टमका लागि त्रिवि शिक्षण अस्पताल महाराजगञ्जमा राखिएको छ । मंगलबार बेलुका रविनको दिदि भगवतीले प्रहरीलाई गायक तामांगको मृत्य भएको खबर गरेपछि प्रहरी घटनास्थल पुगेको जानकारी प्राप्त भएको छ। यधपी, रविनको मृत्य के कति कारणले कसरि भयो भन्नेबारे भने अहिलेसम्म कुनै जानकारी प्राप्त भएको छैन।

सिंगापुरमा जन्मिएका रविनले नेपालमा “रविन एण्ड द न्यू रिभोलुसन” नामको सांगीतिक ब्याण्डको भोकलिस्टको रुपमा आफ्नो सांगीतिक यात्रा अघि बढाएका थिए। रविनले पछिलो समय नेपाली चलचित्र क्षेत्रमा अभिनय यात्रालाई पनि अगाडी बढाउंदै आएका थिए।

‘दम मारो दम’ र ‘केटाकेटी’ जस्ता उनले गाएका गित नेपाली युवापुस्ता माझ निकै लोकप्रिय बन्न पुगेको थियो भने उनले, मुखौटा, छड्के लगायत करिब एक दर्जन नेपाली चलचित्रमा अभिनय समेत गरेका छन्। नेपाली रक गायन क्षेत्रमा उनको विशेष योगदान रहिआएको छ।