असार १९, काठमाडौँ- मलेसियामाथि शानदार जित हात पार्दै नेपालले एसीसी यू–१६ इस्ट जोन कपको उपाधि जितेको छ।

फाइनल खेलमा घरेलु टोली मलेसियालाई २ सय २१ रनले पराजित गर्दै नेपालले प्रतियोगिता जितेको हो ।२५३ रनको विशाल लक्ष्य पछ्याएको मलेसिया १४.५ ओभरमा ३१ रनमा अलआउट भएको हो।

क्रिकेट प्रतियोगितामा नेपाल, मलेसिया, सिंगापुर, हङकङ, माल्दिभ्स, इन्डोनेसिया र थाइल्याण्डको सहभागिता रहेको थियो ।प्रतियोगितामा नेपालले समूहचरणमा मलेसियासहित थाइल्यान्डलाई र सेमिफाइनलमा सिंगापुरलाई पराजित गरेको थियो ।

नेपालले यसअघि एसीसी यू–१६ इस्टर्न रिजनको नामले २०१७ र २०१९ मा आयोजित प्रतियोगिता समेत जितेको थियो ।