पप्पु कन्स्ट्रक्सनका सञ्चालक हरिनारायण रौनियारलाई प्रहरीले पक्राउ गरेको छ ।

प्रहरीको नयाँ बानेश्वर वृत्तले रौनियार विरुद्ध बाँकेमा दर्ता भएको ठगी मुद्दाको आधारमा काठमाडौंबाट उनलाई पक्राउ गरेको जनाएको छ। बाँके प्रहरीको समन्वयमा उनलाई काठमाडौंबाट पक्राउ गरिएको हो भने थप अनुसन्धानका लागि उनलाई बाँके पठाइने प्रहरीले जनाएको छ।

रौनियारविरुद्ध बर्दिया सदरमुकाम गुलरिया र बार बर्दिया नगरपालिका जोड्ने जब्दीघाटको पुल निर्माणमा गुणस्तरहीन सामग्री प्रयोग गरेको लगायतका आरोपमा ०७५ सालमा विशेष अदालतमा भ्रष्टाचार मुद्दा दायर भएको थियो। तत्कालिन संघीय समाजवादी फोरमबाट निर्वाचित रौनियार पर्सा क्षेत्र नम्बर ३ का पूर्व सांसद समेत रहेका छन्।