विदेश घुम्न जाने नेपालीले ५ प्रतिशत कर तिर्नुपर्ने

  • नेपाल राष्ट्रिय दैनिक
  • १८ जेष्ठ २०८०, बिहीबार ०५:४६
visit visa

आर्थिक विधेयक २०८० मार्फत सरकारले विदेशमा पर्यटन भिसा अर्थात भ्रमणका लागि जाने नेपालीले ५ प्रतिशतका दरले सरकारलाई कर तिर्नुपर्ने नीति अघि सारेको छ।

आर्थिक विधेयक २०८० अनुसार विदेश घुम्न जाने नेपालीले कुल भुक्तान गर्ने रकममा ५ प्रतिशतका दरले कर लाग्ने भएको छ। उक्त कर बराबरको रकम वैदेशिक भ्रमणको प्याकेज विक्रेताले प्याकेज विक्रीको बखतमा लगाउने छ।

त्यस्तै कुनै पनि फर्म वा कम्पनीले व्यवसाय प्रवर्द्धनका सिलसिलामा आफू सम्बद्ध प्राकृतिक व्यक्तिलाई वैदेशिक भम्रणमा लैजादा लाग्ने खर्च लेखाङ्कनका बखत सरकारले कर लिने भएको छ र उक्त रकम अर्को महिनाको २५ गतेभित्र राजश्व खानामा जम्मगरी राजश्व कार्यालयमा पठाउनु पर्छ।

आर्थिक विधेयक अनुसार वैदेशिक पर्यटन शुल्क वापतको रकम दाखिल नगरेमा पार्षिक १५ प्रतिशतका दरले ब्याज लगाई असुल गर्ने छ।

त्यसैगरी विदेश जाने विवरण पेश नगरेमा त्यस्तो व्यक्तिलाई विवरण पेश गर्नु पर्ने मितिबाट यस्तो वितरण दाखिला नभएको मितिसम्मको वार्षिक २.५ प्रतिशतका दरले हुने रकम शुल्क लाग्ने छ।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५