जेठ १४ ,काठमाडौँ — गणतन्त्र दिवसको अवसरमा राष्ट्रपति रामचन्द्र पौडेलले, जन्मकैदको सजाय काटिरहेका रेशम चौधरीको कैद सजाय माफी गरेका छन्।

टीकापुर घटनामा सर्वोच्चले दोषी ठहर गरेको पूर्वसांसद रेशम चौधरीसहित १९ जनाको कैद सजाय मिनाहा गर्न मन्त्रिपरिषदले राष्ट्रपति समक्ष सिफारिस गरेको थियो।

नेपालको संविधानको धारा २७६ तथा फौजदारी कार्यविधि संहिता २०७४ को दफा १५९ बमोजिम उनीहरुलाई माफी दिइएको राष्ट्रपति कार्यालयले जनाएको छ।

त्यसैगरी,संविधानको धारा २७६ र फौजदारी कसुुर (सजाय निर्धारण तथा कार्यान्वयन) ऐनको दफा ३७ तथा ज्येष्ठ नागरिक ऐनको दफा १२ बमोजिम अन्य ४८२ जनाको पनि बाँकी कैद सजाय मिनाह गरिएको छ।