हिन्दु राज्य भन्दै नहिंड्नू :संघीयताबारे पुनर्विचार गर्न सकिन्न: केपी ओली

  • नेपाल राष्ट्रिय दैनिक
  • ३० बैशाख २०८०, शनिबार १९:२८
kp

वैशाख-३०, काठमाडौं – नेकपा एमालेका अध्यक्ष केपी शर्मा ओलीले संघीयताका विषयमा पुनर्विचार नगर्ने र पार्टी केन्द्रीय सदस्यहरुलाई हिन्दु राज्यको पक्षमा धारणा नराख्न निर्देशन दिएका छन् ।

तीन दिनसम्म चलेको पार्टीको केन्द्रीय कमिटी बैठकमा अध्यक्ष ओलीले, पार्टीले संघीयताबारे पुनर्विचार गर्ने कुरा सोच्न पनि नसकिने र पार्टी केन्द्रीय सदस्यहरुलाई हिन्दु राज्यको पक्षमा धारणा नराख्न निर्देशन दिएको, प्रचार विभाग उपप्रमुख विष्णु रिजालले जानकारी दिएका छन् ।

केन्द्रीय कमिटीको शुक्रबारको बैठकमा गोकुल बास्कोटा र महेश बस्नेत लगायतका नेताहरुले प्रदेश संरचना खारेज गर्नुपर्ने धारणा राखेपछी अध्यक्ष ओलीले नेताहरुलाई पार्टीको दर्शन र विचार सम्झन आग्रह गर्दै, एमाले संविधान निर्माता पार्टी भएको र संविधानको पिल्लरहरुलाई चलाउने काम एमालेबाट नहुने बताएका छन्।

दुई चार जनाले हिन्दु राज्य भनेको भरमा, नेकपा एमालेको चालू केन्द्रीय कमिटी बैठकमा संघीयताका बारेमा बहस सुरु भयो भनेर गलत हल्ला चलाइएको र मुलुक अब पछाडि फर्कंदैन भन्ने कुरा प्रष्ट राख्दै ओलीले उक्त खुराको खण्डन गरेको प्रचार विभाग उपप्रमुख रिजालले बताएका छन् ।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५