वैशाख २६, काठमाडौँ- वैदेशिक रोजगारीबाट फर्कंदा अब नेपाली नागरिकले आफ्नो साथमा दुईवटा मोबाइल ल्याउन पाउने भएका छन् ।

यस अगाडी वैदेशिक रोजगारीबाट फर्किएका नेपालीले साथमा बोक्दै आएको एउटा बाहेक अन्य मोबाइल त्रिभुवन विमानस्थल भन्सार कार्यालयले जफत गर्दै आएको थियो। मङ्गलबार बसेको मन्त्रिपरिषद बैठकले, झिटीगुण्टा सम्बन्धी नियमावली संशोधन गर्दै, वैदेशिक रोजगारीबाट फर्कने नेपालीले अब आफ्नो साथमा बढीमा दुई वटासम्म मोबाइल ल्याउन पाउने व्यवस्था गर्ने निर्णय गरेको हो।

त्रिभुवन विमानस्थल भन्सार कार्यालयले विदेशीक रोगगारी बाट फर्कने नेपालीको मोबाइल जफत गरेको भन्दै उनीहरुले सरकारको विरोधमा ” रेमिट्यान्स चल्ने मोबाइल नचल्ने” भन्दै नो रेमिट्यान्स अभियान नै चलाएका थिए।

सञ्चार र श्रम मन्त्रालयले आवश्यक समन्वय र गृहकार्य गरी छिट्टै यो व्यवस्था लागू गर्ने सञ्चार, सूचना तथा प्रविधिमन्त्री रेखा शर्माले जानकारी दिनुभएको छ।