राज्याभिषेकको क्रममा राजतन्त्र विरोधी समूहको गिरफ्तारीलाई लिएर बेलायती प्रहरीको आलोचना

  • नेपाल राष्ट्रिय दैनिक
  • २४ बैशाख २०८०, आईतवार ०६:२४
coronation carles 3

राज्याभिषेकको क्रममा राजतन्त्र विरोधी समूहको गिरफ्तारीलाई लिएर बेलायत प्रहरीको आलोचना भएको छ।

राज्याभिषेकको दिनमा राजतन्त्र विरोधी प्रदर्शनकारीहरूको गिरफ्तारीलाई मानवअधिकारवादी समूहहरूले “डरलाग्दो” भनेका छन्। लण्डनमा राज्याभिषेकको दिनमा राजतन्त्र विरोधी समूहलाई पक्राउ गरेकोमा मानवअधिकारवादी समूह र सांसदहरूले महानगरीय प्रहरीको आलोचना समेत गरेका छन् ।

यद्यपि, आलोचनाको जवाफ दिँदै, प्रहरीले भने “विरोध अपराधिक बन्न सक्ने र राज्याभिषेकको क्रममा गम्भीर अवरोध निम्त्याउन सक्ने भएको हुँदा हस्तक्षेप गर्नु परेको बताएको छ । स्कटल्याण्ड यार्डले पनि स्थितिलाई हेरेर “सोही ढंगले काम गरेको” भन्दै प्रतिक्रिया दिएको छ। राज्याभिषेकको समयमा सार्वजनिक उपद्रव फैलाउने, द्वन्द्व सिर्जना गर्ने , सार्वजनिक व्यवस्थाको उल्लङ्घन , शान्ति भंग र षड्यन्त्र लगायतका अपराधमा प्रहरीले ५२ जनालाई पक्राउ गरेको थियो।

प्रदर्शनकारीहरुले, उनीहरूको विरोध शान्तिपूर्ण भएको तर प्रहरीले भने हस्तक्षेप गरेको बताएका छन्।

लेबर सांसदहरूले प्रहरीको उक्त हस्तक्षेपको आलोचना गर्दै अभिव्यक्ति स्वतन्त्रता चाँदीको धागो हो जुन संसदीय संवैधानिक राजतन्त्र मार्फत चल्छ भन्ने प्रतिक्रिया दिएका छन् ।

coronation.charles 3

छायाँ मन्त्री जेस फिलिपले पनि सामाजिक सञ्जाल प्रयोग गरेर “हाम्रो राष्ट्र र हाम्रो राजा यति कमजोर छैन कि फरक दृष्टिकोणको हानिरहित विरोधको सामना गर्न सक्षम हुनुहुन्न” भन्ने अभिव्यक्ति दिएका छन् ।

लेबर सांसद रिचर्ड बर्गनले पनि शान्तिपूर्ण विरोध गर्ने अधिकार लोकतन्त्रको आधारभूत सिद्दान्त भएको बताएका छन्।

ह्युमन राइट्स वाचका बेलायती निर्देशक यास्मिन अहमदले भने, “पुलिसको कारबाहीले आफु लन्डनमा नभई मस्कोमा रहेको आभाष भएको ” बताएका छन् ।

राज्याभिषेकको क्रममा “नट माई किंग” टी-सर्ट लगाएका प्रदर्शनकारीहरूलाई हिरासतमा राखिएको थियो।

Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५