बजेट अधिवेशन सुरु

  • नेपाल राष्ट्रिय दैनिक
  • २४ बैशाख २०८०, आईतवार ०६:५९
parliament

वैशाख २४-काठमाडौँ — आजदेखि संघीय संसदको बजेट अधिवेशन सुरु हुँदैछ । आज अर्थमन्त्री प्रकाशशरण महतले आगामी आर्थिक वर्षका लागि विनियोजन विधेयकका सिद्धान्त र प्राथमिकता सम्बन्धमा छलफल गरियोस् भन्ने प्रस्ताव पेस गर्ने कार्यसूची रहेको छ  ।

संवैधानिक प्रावधान अनुसार आगामी आर्थिक वर्षको बजेट जेठ १५ गते भित्र पेस गरिसक्नुपर्नेछ  । त्यस अघि वार्षिक नीति तथा कार्यक्रम पेस हुनेछ ।अधिवेशनको पहिलो दिन आज मुलुकी संहितासम्बन्धी केही ऐनलाई संशोधन गर्ने अध्यादेश पनि पेस हुने संसद सचिवालयले जनाएको छ  ।

एक सय १० दिन चलेको पहिलो अधिवेशनको ९२ घण्टा ३० मिनेटको बैठकमा प्रतिनिधिसभाको नियमावली पारित गर्ने र प्रधानमन्त्री पुष्पकमल दाहालले दुई पटक विश्वासको मत लिनेबाहेक न त कुनै उल्लेख्य काम हुन सक्यो न कुनै विधेयक पारित भयो  ।

अघिल्लो अधिवेशनमा सांसदले उठाएका प्रश्नको जवाफ सरकारले नदिएको भन्दै,जनताका प्रतिनिधिले उठाएका प्रश्नको सम्बोधन सरकारले आउँदो अधिवेशनमा गर्नुपर्ने सांसदहरुले बताएका छन्  । सरकारले फिर्ता लिएको यस अगीको निजामती कर्मचारी विधेयक र राष्ट्रपतिले प्रमाणीकरण नगरेकै कारण कार्यान्वयन हुन नसकेको नागरिकता विधेयकलाई पनि यही अधिवेशनमा अघि बढाउनुपर्ने दबाब सरकारलाई रहेको छ ।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५