१७ वैशाख, काठमाडौं -सरकारले खोज अनुसन्धान र आविष्कारमा बेवास्ता गरेको भन्दै शुक्रबारदेखि माइतीघरमा धर्ना सुरु गरेका राष्ट्रिय आविष्कार केन्द्रका संस्थापक महावीर पुनसँग सरकारले वार्ता अगाडी बढाएको छ ।

अनुसन्धान, नवप्रवर्तन र आविष्कारसहित ४ बुँदे माग राख्दै महावीर पुन र सरकारबीच वार्ता सुरु भएको हो। उपप्रधानमन्त्री तथा रक्षामन्त्री एवं कानुन, न्याय तथा संसदीय मामिलामन्त्री पूर्णबहादुर खड्काको नेतृत्वमा सुरु भएको वार्तामा दुबै पक्षले औपचारिक वार्ता टोली बनाउने र आन्दोलनको माग पूरा गर्न सहमति खोज्ने समझदारी भएको छ ।

आविष्कारको क्षेत्रमा देशलाई अघि बढाउन कानुन बनाउने कुरामा सांसदहरूले बेवास्ता गरेको भन्दै, पुनले आफ्ना माग पूरा नगरेसम्म सडकमै सुतेर धर्ना धर्ना दिने घोषणा गरेका थिए ।