लुम्बिनी प्रदेशको मुख्यमन्त्रीमा नेपाली कांग्रेस संसदीय दलका नेता डिल्लीबहादुर चौधरी नियुक्त भएका छन् ।

८ दलका ५३ सांसदहरूको समर्थनमा प्रदेश प्रमुख अमिक शेरचनले संविधानको धारा १६८ को उपधारा २ अनुसार चौधरीलाई मुख्यमन्त्रीमा नियुक्त गरेका हुन् ।

यसअघी लुम्बिनी प्रदेशका मुख्यमन्त्री नेकपा एमालेका लिला गिरीले विश्वासको मत प्राप्त गर्न नसकेपछि,संविधानको धारा १६८ को उपधारा २ बमोजिम, प्रदेश प्रमुख अमिक शेरचनको आह्वानमा चौधरीले आफ्नो दाबी पेस गरेका थिए।

८७ सदस्यीय लुम्बिनी प्रदेशसभामा चौधरीलाई नेपाली कांग्रेसका २७, माओवादीका ११, नागरिक उन्मुक्ति पार्टीका ४, जनमत पार्टी, जनता समाजवादी पार्टीका ३, लोकतान्त्रिक समाजवादी पार्टीका ३, राष्ट्रिय जनमोर्चाको १ र नेकपा एकीकृत समाजवादीको १ सांसदको समर्थन रहेको छ।