वैशाख १३- काठमाडौँ- चार्जिङ स्टेसनको अभावमा साझा यातायातका ३७ विधुतीय बस ४ महिनादेखि त्यत्तिकै थन्किएका छन्।

साझा यातायातले आफ्नै प्राङ्गणमा चार्जर राखेर खरिद गरिएका ४० मध्ये ३ वटा बस सञ्चालन गरिरहे पनि ३७ वटा बस भने यतिकै थन्किएका छन्।

साझा यातायात सहकारीका अध्यक्ष कनकमणि दीक्षितले सबै बस चलाउन चार्जिङ डिपो नै आवश्यक पर्ने र बस चार्जिङ डिपोका लागि प्रधानमन्त्री तथा मन्त्रिपरिषद्को कार्यालय, भौतिक पूर्वाधार तथा यातायात मन्त्रालय, सहकारी तथा गरिबी निवारण मन्त्रालयमा बारम्बार जग्गा माग गरेपनि उपलब्ध नभएको बताएका छन्।

यता भौतिक पूर्वाधार तथा यातायात मन्त्रालयले भने, ‘त्यत्रो बस ल्याउँदा कसरी चलाउने भन्ने योजना किन नबनाएको? बस आइसकेपछि मात्र जग्गा भएन भनेर हुन्छ?’ भनेर साझालाई नै दोष दिँदै आएको छ।