वैशाख ११ – उप निर्वाचन सम्पन्न भएको चितवन २, बारा २ र तनहुँ १ गरि ३ वटा निर्वाचन क्षेत्र मध्ये तनहुँको मतगणना मध्यरात देखि नै जारी छ भने, बारा र चितवनको मतगणनाको विषय टुङ्ग्याउन सर्वदलिय बैठक बस्दैछ ।

रवि लामिछानेविरुद्ध आचारसंहिता उल्लंघनको घटना छानबिन नभइ मतगणना नगर्ने नेकपा एमाले र नेपाली काङ्ग्रेसको उम्मेदवारको अडानका कारण गए राति स्थगित भएको चितवन २ को सर्वदलिय बैठक आज बस्ने तय भएको छ।

त्यसैगरी बारा क्षेत्र नम्बर २ मा पनि आज सर्वदलीय बैठक बस्दैछ। हावाहुरीका कारण रातिदेखि नै मतगणना गर्ने अवस्था नहुँदा दलहरूले बिहान सर्वदलीय बैठक बस्ने सहमति गरेका थिए।