प्रधानमन्त्री पुष्पकमल दाहालले नेपालमा उत्पादन भएका सवारी साधनलाई दर्ता गर्ने व्यवस्था मिलाउन र दर्ता प्रक्रियाका लागि कानुनको मस्यौदा तयार गर्न सम्बन्धित निकायलाई निर्देशन दिनुभएको छ ।

‘यात्री’ लगायतका नेपालमा बनेका सवारी साधन दर्ता नभएको विषय संसदमा उठेपछी दर्तासम्बन्धी कानुनको तयारी गर्न र नेपाली उत्पादनलाई प्रोत्साहन गर्ने नीति अख्तियार गर्न प्रधानमत्री दाहालले मुख्य सचिव शंकरदास बैरागीलाई निर्देशन दिनुभएको हो।

प्रधानमन्त्रीको निर्देशनपछी मुख्य सचिवले बैरागीले उद्योग वाणिज्य तथा आपूर्ति मन्त्रालयका सचिव मधु मरासिनीलाई तत्कालै नेपालमा उत्पादित सवारी साधनको दर्ता एवं प्रवर्द्धन सम्बन्धी कानुनको मस्यौदा बनाई पेश गर्न निर्देशन दिएको पनि प्रधानमन्त्रीका प्रेस संयोजक सूर्य किरण शर्माले बताएका छन् ।