उपनिर्वाचन हुने बारा २, चितवन २ र तनहुँ १ मा मतदान बिहानै देखि मतदान सुरु भएको छ ।

तीन निर्वाचन क्षेत्रमा गरि कुल ६५ उम्मेदवारहरु प्रतिस्पर्धा गर्दैछन् । मतदानका लागि एक सय ९४ मतदान स्थल र चार सय २७ मतदान केन्द्रको व्यवस्थापन गरिएको छ । निर्वाचन हुने तिनवटै क्षेत्रमा आज सार्वजनिक बिदा दिइएको छ ।

बिहान ७ बजेदेखि सुरु भएको मतदान निर्धारण गरेको समय तालिका अनुसार साँझ ५ बजेसम्म रहनेछ  ।

चितवन २ बाट निर्वाचित रास्वपाका रवि लामिछानेको नागरिकता प्रकरणमा सांसद पद खारेज भएको , तनहुँ १ मा रामचन्द्र पौडेल राष्ट्रपति निर्वाचित भएको र बारा २ मा रामसहायप्रसाद यादव उपराष्ट्रपति निर्वाचित भएपछी यी तिनै क्षेत्रमा उपनिर्वाचन हुन लागेको हो।