भारतीय पर्वतारोही अनुराग मालुलाई तीन दिनपछि जीवितै उद्धार गरिएको छ ।

अन्नपूर्ण हिमालमा सोमबार बेपत्ता भएका ३४ वर्षीय मालुको क्याम्प तेस्रो मुनिको गहिरो खाडलबाट उद्धार गरिएको छ । छाङ दावाको नेतृत्वमा ६ शेर्पा आरोहीको टोलीले आज बिहान करिब ३ सय मिटर गहिरो खाडलबाट उनलाई फेला पारेर उद्दार गरेको हो । अनुरागलाई हेलिकप्टरबाट पोखरा लगिएको र अहिले मणिपाल अस्पतालमा उपचार भइरहेको छ । उनको अवस्था अहिले निकै नाजुक रहेको अस्पताल स्रोतले पुष्टि गरेको छ ।

अन्नपूर्ण हिमालको क्याम्प तेस्रोबाट ओर्लने क्रममा ५ हजार ८ सय मिटरको उचाइमा रहेको गहिरो खाडलमा खसेपछि उनी बेपत्ता भएका थिए ।