वैशाख ६-काठमाडौँ – बिहीबार त्रिभुवन अन्तर्राष्ट्रिय विमानस्थलको हवाई सेवा ६ घण्टा बन्द रहने भएको छ।

यात्रुहरुको सुरक्षा अभिवृद्धि गर्ने उद्देश्यका साथ विधुत आपूर्ति प्रणाली सुदृढीकरणका लागि अनलाइन यूपीएस जडान गर्नुपर्ने भएकाले बिहिबार बिहान १:०० बजेदेखि बिहान ७:०० बजेसम्मको सम्पूर्ण हवाई सेवा अवरुद्ध हुने त्रिभुवन अन्तर्राष्ट्रिय विमानस्थलका महाप्रवन्धक प्रतापबाबु तिवारीले जानकारी दिनुभएको छ।

साथै,उक्त समयमा यात्रा गर्नुहुने यात्रुहरुले सम्बन्धित वायु सेवा कम्पनिसंग परामर्श गरि आवश्यकताअनुसारको व्यवस्था मिलाउन पनि महाप्रवन्धक तिवारीले बताउनुभएको छ।