काठमाडौँ — केहिदिन देखि अस्वस्थ रहनुभएका राष्ट्रपति रामचन्द्र पौडेललाई थप उपचाराका लागि भारतको राजधानी नयाँ दिल्लीस्थित अल इन्डिया इन्स्टिच्युट अफ मेडिकल साइन्सेस (एम्स) अस्पताल लगिएको छ ।

छातीमा संक्रमण देखिएपछि गत साता तीन दिन अस्पताल बसेर फर्केका पौडेललाई मंगलबार पुन:असहज भएपछि परिवारको आग्रहमा थप उपचारका लागि भारत लगिएको हो। यधपी ,उपचारमा संलग्न चिकित्सकका अनुसार उनको छातीमा जमेको पानी निकालेर परीक्षण गरिएको र प्रारम्भिक परीक्षणमा संक्रमणबाहेक अन्य अवस्था सामान्य देखिएको र एमआरआई र सीटी स्क्यान रिपोर्टमा पनि संक्रमणबाहेक अरु कुनै जटिलता नरहेको बताइएको छ।

राष्ट्रपति पौडेलका प्रेस सल्लाहकार किरण पोखरेलका अनुसार पौडेललाई बुधबार बिहान श्री एयरलाइन्सको एयर एम्बुलेन्समार्फत नयाँदिल्ली लगिएको हो ।पौडेलसँग उनका निजी चिकित्सक डा. निरज बम, परिवारका सदस्य र ७ जना चिकित्सकको टोली भारत गएको हो ।