राष्ट्रिय स्वतन्त्र पार्टीका सांसद ढाकाकुमार श्रेष्ठले व्यवसायी दुर्गा प्रसाईसँग २ करोड रुपैयाँ घुस मागेको अडियो सार्वजनिक भएको छ।

घुस मागेको अडियो सार्वजनिक भएपछी श्रेष्ठलाई रास्वपाले कारबाही गर्ने भएको छ। व्यवसायी दुर्गा प्रसाईसँग घुस मागेको अडियो सार्वजनिक भएको भन्दै श्रेष्ठलाई पार्टीबाट निस्कासन गर्ने तयारी भएको रास्वपाले जानकारी दिएको छ।

सांसद श्रेष्ठले आफु स्वास्थ्य मन्त्रि बन्न लागेको र स्वास्थ्य मन्त्री बन्नका लागि पार्टीलाई रकम बुझाउनपर्ने भन्दै प्रसाईसँग घुस मागेको विषय बाहिर आएपछि रास्वपाले यस विषयमा अनुसधान थाल्ने बताएको छ।

माघ ३ गते मन्त्रिपरिषद विस्तार हुनुअघि भएको यो सम्वादमा, प्रचण्ड सरकारमा सहभागी रास्वपा सांसद ढाकाकुमार श्रेष्ठले स्वास्थ्य मन्त्रालय आफ्नो भागमा परेको भन्दै घुस मागेको विषय सार्वजनिक भएको हो।

सार्वजनिक अडियोमा उनले भनेका छन्, ‘रवि सर देखा पर्नुभएको छैन, बाहिरका २/३ जना साथी हुनुहुन्छ । उहाँहरुलाई दिने हो, पार्टीलाई जान्छ भनेका छन् ।

उनले मेडिकल व्यवसायी प्रसाईंलाई रकम दिए आफूले मिलेर काम गर्ने समेत बताएका थिए । तत्कालिन समयमा प्रचण्ड सरकारमा सहभागी रास्वपाले स्वास्थ्य तथा जनसंख्या मन्त्रालयमा दाबी गर्दै आएको थियो ।त्यो समय स्वास्थ्यमन्त्रीका लागि रास्वपामा ढाकाकुमारसँगै डा. चन्दा कार्की र डा. तोसिमा कार्कीको चर्चा चलिरहेको थियो । तर मन्त्रिपरिषद विस्तारका क्रममा स्वास्थ्य मन्त्रालय एमालेको भागमा पर्यो र डा. तोसिमा कार्की स्वास्थ्य राज्यमन्त्री बनेकी थीइन।