अमेरिकाद्वारा सिरियामा हवाई आक्रमण

  • नेपाल राष्ट्रिय दैनिक
  • १० चैत्र २०७९, शुक्रबार १५:५३
us air force.fighter jet air strike

अमेरिकी सेनाले सिरियाको उत्तरपूर्वी भागमा रहेको अमेरिकी नेतृत्वको गठबन्धन सेनाको बेसमा भएको घातक ड्रोन आक्रमणको जवाफमा जवाफी हमला गरेको पेन्टागनले जनाएको छ।

पेन्टागनका प्रमुख लोयड अस्टिनले,उनलाई राष्ट्रपति जो बाइडेनले “इरानको इस्लामिक रिभोलुसनरी गार्ड्स कोर्प्स (आइआर जिसी ) सँग सम्बद्ध समूहहरू बिरूद्ध पूर्वी सिरियामा हवाई हमला गर्न निर्देशन दिएको बताएका छन्।

यो आक्रमण, जवाफी आक्रमण रहेको र आईआरजीसीसँग सम्बद्ध समूहहरूद्वारा सिरियामा गठबन्धन सेनाहरू विरुद्ध गरिएका हालैका आक्रमणहरूको प्रतिक्रिया रहेको पनि उनले बताएका छन्।

अमेरिकी रक्षा सचिवले आक्रमणको स्थान खुलासा नगरेपनि सामाजिक सञ्जालमा देखिएको फुटेजले इराकसँग सीमा जोडिएको सिरियाको पूर्वी प्रान्त देइर एज-जोरमा विस्फोट भएको देखाएको छ। पेन्टागनले इरानसँग सम्बद्ध समूहहरूलाई लक्षित गरेको बताएको छ भने स्थानीय स्रोतहरूले नागरिक पूर्वाधारमा क्षति पुगेको दाबी गरेका छन्।स्थानीय स्रोतहरूले ग्रामीण विकास केन्द्र र अन्न सुविधा भण्डारमा प्रहार गरिएको दावी गरेका छन् ।

२०१० को मध्यमा इस्लामिक स्टेट (आईएस, पहिलेआइएस आइएस ) लडाकुहरू विरुद्ध लड्ने बहानामा त्यहाँ करिब ९०० अमेरिकी सेनाहरु तैनाथ गरिएका छन्। दमास्कसले उनीहरूको उपस्थितिलाई गैरकानुनी भन्दै बारम्बार संयुक्त राष्ट्रसंघमा गुनासो समेत गरेको छ। यधपी अमेरिकाले त्यहाँ सैन्य क्याम्प खडा गरेर बसेको छ।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५