भारतीय कांग्रेसका नेता राहुल गान्धीको सांसद पद खारेज

  • नेपाल राष्ट्रिय दैनिक
  • १० चैत्र २०७९, शुक्रबार १५:१९
rahul gandhi

नयाँ दिल्ली, चैत्र १० : भारतको संसदले शुक्रबार विपक्षी कांग्रेस पार्टीका नेता राहुल गान्धीको सांसद पद खारेज गरेको छ। प्रधानमन्त्री नरेन्द्र मोदीको उपनामसँग जोडिएको मानहानि मुद्दामा अदालतले उनलाई दुई वर्षको जेल सजाय सुनाएपछि संसदले उनको पद खारेज गरेको हो।

गान्धीले सन् २०१९ को आफ्नो एक भाषणमा प्रधानमन्त्री नरेन्द्र मोदीलाई जोडेर “किन सबै चोरको थर मोदी” हुन्छ भन्ने अभिव्यक्ति दिएका थिए, भने सोहि विषयलाई लिएर उनि विरुद्ध मानहानिको मुद्दा दायर गरिएको थियो।

यता, कांग्रेसका नेताहरूले भने आफूहरू उच्च अदालतमा पुनरावेदन गर्ने तयारीमा रहेको र यो लडाइ कानुनी र राजनीतिक दुवै रूपमा लड्ने बताएका छन् ।कांग्रेस पार्टीका सदस्यहरूले गान्धीको सजायको बिरूद्ध देशका केही भागहरूमा विरोध प्रदर्शन समेत गरेका छन् ।

कांग्रेस पार्टीका पदाधिकारीहरूले यो फैसला राजनीतिक रूपमा प्रेरित रहेको भन्दै मोदी सरकार र उनको सत्तारुढ भारतीय जनता पार्टी (भाजपा) लाई आरोप लगाएका छन्।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५