नेपालले सन् २०२३ को एकदिवसीय क्रिकेट विश्वकप छनोटमा प्रवेश पाएको छ।

नेपालले आईसीसी पुरुष क्रिकेट विश्वकप लिग–२ को अन्तिम खेलमा यूएईसँगको प्रतिस्पर्धामा जित हाँसिल गरेपछि सन् २०२३ को एकदिवसीय विश्वकप छनोटमा प्रवेश पाएको छ  ।नेपालसहित १० टिमको प्रतिस्पर्धामा हुने एकदिवसीय विश्वकपका लागि ग्लोबल छनोट जुन–जुलाईमा जिम्बावेमा हुँदै छ।

त्रिवि क्रिकेट मैदानमा भएको हिजोको खेलमा डकवर्थ लुइस नियम अनुसार नेपाल ९ रनले विजयी बन्न सफल भएको हो  । नेपाल, आईसीसी पुरुष क्रिकेट वर्ल्डकप लिग २ को शीर्ष तीन स्थानमा रहेकाले ग्लोबल छनोटमा सिधा प्रवेश पाएको हो ।