किसानलाई रासायनिक मलमा दिँदै आएको अनुदान कटौति गर्ने सरकारको निर्णयको विरोध गर्दै आज विभिन्न किसान संगठनहरूले काठमाडौंमा विरोध प्रदर्शन गरेका छन् ।

रासायनिक मलमा किसानलाई दिँदै आएको अनुदान समग्रमा ११ दशमलब ८ प्रतिशतले कटौती गर्ने सरकारको निर्णयको विरोधमा, आज अखिल नेपाल किसान महासंघ,नेपाल राष्ट्रिय प्रजातान्त्रिक किसान संगठन लगाएतका संघहरुले काठमाडौंको माइतिघरमा विरोध प्रदर्शन गर्दै अनुदान कटौति गर्ने निर्णय तत्काल फिर्ता लिन माग गरेका छन्।

प्रदर्शनमा उनीहरुले नेपाली किसानको बजार सुनिश्चित गर,किसान मार्न पाइदैन प्रचण्ड सरकार चाहिदैन,मलको भयो हाहाकार,राजीनामा देउ सरकार लगायतका प्लेकार्ड प्रदर्शन गरेर सरकारको निर्णयको चर्को विरोध गरेका थिए । सरकारले किसान विरोधी निर्णय गरेको भन्दै, सरकारको उक्त निर्णय फिर्ता नभएसम्म आन्दोलन जारी रहने पनि उनीहरूले बताएका छन्।