वैदेशिक रोजगारमा जाने नेपालीका लागि दुई वर्ष मात्र श्रम स्वीकृति दिने व्यवस्थालाई सरकारले अन्त्य गरेको छ ।सरकारले विदेशस्थित नेपाली दूतावासबाटै पुनः श्रम स्वीकृति लिन पाउने व्यवस्थासमेत गरेको छ ।

रोजगार तथा सामाजिक सुरक्षा मन्त्रालयले वैदेशिक रोजगारीमा जाने नेपालीको लागि यसअघि व्यवस्था गरेको दुईवर्षे करारपत्रको अन्त्य गर्दै, विदेशस्थित नेपाली दूतावासबाटै पुनः श्रम स्वीकृति लिन पाउने व्यवस्था समेत लागु गरेको छ।

श्रम स्वीकृतिको म्याद समाप्त हुँदा कल्याणकारी कोषबाट राहत पाउन कठिनाइ भएकाले रोजगारदाता र कामदारबीच हुने करारपत्रअनुसार नै श्रम स्वीकृति दिने नीति लिएको मन्त्रालयले जनाएको छ । मन्त्रालयले वैदेशिक रोजगार विभागबाट हुँदै आएको पुनः श्रम स्वीकृतिको अधिकारलाई नेपाली दूतावासमा प्रत्यायोजन गरेको छ । अब कामदारले बिमा र कल्याणकारी कोषको रकम तिरेपछि दूतावासबाट नै पुनः श्रम स्वीकृति लिन पाउने बाटो खुलेको छ।