रुसको सीमाभित्र भएको ड्रोन आक्रमणको विषयलाई लिएर पूर्व सीआईए अधिकारी फिलिप गिराल्डीले, युक्रेनी राष्ट्रपति भ्लादिमिर जेलेन्स्कीले अमेरिका र नेटोलाई द्वन्द्वमा प्रत्यक्ष संलग्न गराउने उपायहरू खोजिरहेका बताएका छन्।

यता,राज्य सचिव एन्टोनी ब्लिन्केनले रूसको सिमाभित्रका दुई हवाई अड्डाहरूमा युक्रेनी ड्रोन हमलासँग अमेरिकाको कुनै सम्बन्ध नभएको तर, किभलाई आवश्यक पर्ने सबै कुराको आपूर्ति जारी राख्ने बताएका छन् ।

पत्रकारहरूसँग कुरा गर्दै ब्लिन्केनले भने,”हामीले न त युक्रेनीहरूलाई रुस भित्र आक्रमण गर्न प्रोत्साहित गरेका छौं न सक्षम बनाएका छौं। “युक्रेनले चलिरहेको रुसी आक्रमण को सामना कसरी गरिरहेको छ भन्ने कुरा वास्तवमा महत्त्वपूर्ण छ”, उनले भने । अमेरिका युक्रेनीहरूलाई “आफ्नो रक्षा गर्न, आफ्नो क्षेत्रको रक्षा गर्न, आफ्नो स्वतन्त्रताको रक्षा गर्न आवश्यक पर्ने उपकरणहरू दिन कटिबद्ध छ, तर अमेरिकाले पहिलो पटक युक्रेनमा हिमार्स पठाउँदा,ति हतियार रूसी भूभाग विरुद्ध प्रयोग गरिने छैन भनि किभबाटआश्वासन पाएको बताएको छ।

रुसी रक्षा मन्त्रालयका अनुसार सोमबार बिहान रियाजान र साराटोभ क्षेत्रमा रहेका दुई रणनीतिक बमवर्षक शिविरमा ड्रोन आक्रमण भएको थियो । हवाई प्रतिरक्षाद्वारा खसालेको ड्रोनबाट तीन सैनिकको मृत्यु र दुई बमवर्षकहरूलाई सामान्य क्षति पुर्‍याएको मस्कोले बताएको छ।

यसैबीच,अमेरिकाले युक्रेनलाई भारी हतियार उपलब्ध गराउँदा रुसको “रातो रेखा” पार गरेको र अमेरिका र नाटोलाई प्रत्यक्ष रूपमा द्वन्द्वमा संलग्न गराउने खतरा रहेको मस्कोले चेतावनी दिएको छ।