१६ मंसिर, काठमाडौं -राष्ट्रिय स्वतन्त्र पार्टीका सभापति रवि लामिछानेको नागरिकता विवादको विषयमा प्रहरीले अनुसन्धान सुरु गरेको छ ।

लामिछानेको नागरिकताको विषयमा छानबिन र कारबाहीको मागसहित उन्नी विरुद्द परेको उजुरीमा प्रहरीले अनुसन्धान सुरु गरेको हो । अमेरिकी नागरिकता त्याग गरेका लामिछानेले कानुनसम्मत नागरिकता पुर्नप्राप्तिको प्रक्रियामा जानुपर्नेमा पुरानै नागरिकता प्रयोग गरेर निर्वाचन आयोगमा दल दर्ता गरेको र उम्मेदवार हुँदा पुरानै नागरिकता पेश गरेको उजुरीमा उल्लेख गरिएको छ।

लामिछाने आफैले पनि, अमेरिकी नागरिकता त्याग गरेपछि नयाँ नागरिकता प्राप्ति नगरी पुरानै नागरिकताको प्रयोग गरेको स्वीकार गरेको पनि उजुरीमा उल्लेख गरिएको छ।

काठमाडौं प्रहरीले, लामिछानेको नागरिकताबारे अनुसन्धान गर्न काठमाडौँ जिल्ला प्रशासनबाट पत्र प्राप्त भएको र पत्रका आधारमा छानबिन सुरु गरिएको जनाएको छ।