१६ मंसिर, धनगढी – १५ वर्षीया बालिका चेतना साउदको मृत्युपछि तनावपूर्ण बनेको धनगढीको स्थितिलाई नियन्त्रणमा लिन स्थानीय प्रशासनले बिहीबार साँझदेखि घटनास्थल आसपासको क्षेत्रमा निषेधाज्ञा लागु गरेको थियो। यधपी, न्यायको माग गर्दै स्थानियहरुले निषेधाज्ञा तोडेर प्रदर्शन जारि राखेका छन्।

ग्रेडरको ठक्करबाट १५ वर्षीया बालिका चेतना साउदलाई न्याय दिनुपर्ने, दोषीलाई कारवाहीको दायरमा ल्याउनुपर्ने र पीडित परिवारलाई उचित क्षतिपूर्ति दिनुपर्ने माग गर्दै स्थानियहरुले प्रदर्शन जारि राखेका छन् ।

कालिका कन्सट्रक्सनको ना १ क ९७५ नम्बरको ग्रेडरले बिहीबार बिहान धनगढी उपमहानगरपालिका–५ स्थित पिपलचौतारा नजिकै ठक्कर दिंदा साइकलमा विद्यालय गइरहेकी १५ वर्षीया साउदको घटनास्थलमै मृत्यु भएको थियो । प्रदर्शनमा उत्रिएका स्थानियहरुले न्यायको माग गर्दै शव उठाउन नदिएपछि स्थानीय प्रशासनले बिहीबार साँझ घटनास्थल आसपासको क्षेत्रमा निषेधाज्ञा लागु गर्दै शव उठाएको थियो।

जिल्ला प्रशासन कार्यालयले स्थिति सामान्य नभएसम्मका लागि अनिश्चितकालीन निषेधाज्ञा यथावत रहने बताएको छ।