विश्वकप फुटबल आइतबार देखि कतारमा सुरु हुँदैछ।

यसपटकको विश्वकपमा साविक विजेता फ्रान्ससहित ३२ राष्ट्रको सहभागिता रहनेछ भने खेलमा सहभागी ३२ टोलीलाई आठ समूहमा विभाजन गरिएको छ।

विश्वकप फुटबल २०२२ को औपचारिक उद्घाटन समारोह कतारको अल बायत रंगशालामा आयोजना हुँदैछ। ६० हजार क्षमताको रंगशालामा विभिन्न देशका कलाकारहरूले आफ्नो प्रस्तुति दिने छन्।

फिफा विश्वकप फुटबल आयोजक कतारले विश्वकप अवधिभर रंगशाला वरपर मदिरा बिक्रीमा प्रतिबन्ध लगाएको छ। उद्घाटन खेलमा आयोजक कतार र इक्वेडरले प्रतिस्पर्धा गर्दै छन्। कतार आयोजकका नाताले पहिलो पटक विश्वकप फुटबल खेल्दैछ।