चितवनको भरतपुरमा शनिबार आयोजित चुनावी सभामा प्रधानमन्त्री तथा नेपाली कांग्रेसका सभापति शेरबहादुर देउवा एवं नेकपा माओवादी केन्द्रका अध्यक्ष पुष्पकमल दाहालले सम्बोधन गर्नु भएको छ।

गठबन्धनले चितवनको राजनीतिक समीकरण ध्रुवीकरण भएको बेला गठबन्धन दलका दुई शिर्ष नेताले सम्बोधन गर्दै गर्दा त्यहाँ उपस्थित भएका मतदाताहरु भने पार्टीको निर्णय र निर्देशनप्रति असन्तुष्ट देखिन्थे।

सभालाई सम्बोधन गर्दै काँग्रेस सभापति देउवाले,गणतन्त्र, संघीयता र राष्ट्रिय एकता जोगाउनको लागि गठबनधन बनेको र अझै लामो समय गठबन्धन चाहिने बताउनुभएको थियो।यता,चितवन काँग्रेसका पुर्व सभापति बिकाश कोइरालाको कारवाही फिर्ता गर्न दवाव दिँदै शान्तिपूर्ण प्रदर्शनमा उत्रिएका कोइराला समर्थक कांग्रेस कार्यकर्ताहरुको विरोधलाई सम्बोधन गर्दै पार्टी सभापति देउवाले गठबन्धनको उमेद्वारलाई जिताएर पठाएमा कोइरालाको कारवाही फिर्ता गर्ने प्रतिबद्दता समेत व्यक्त गर्नुभएको थियो।

त्यसैगरी पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहालले राजनैतिक दुर्घटना र प्रतिगमनको खतरा रहेसम्म गठबनधन कायम रहने बताउनुभएको छ। दाहालले ,गठबन्धन बनेपछि प्रतिगमनको खतरा कम बन्दै गएको र यो निर्वाचन देशलाई अगाडि लैजाने कि पछाडि धकेल्ने भन्ने जनमतसंग्रहजस्तै भएको बताउनुभएको छ।