नेपालीले विश्वकप फुटबल हेर्न नपाउने सम्भावना

  • नेपाल राष्ट्रिय दैनिक
  • २४ कार्तिक २०७९, बिहीबार ०९:२१
fifa worldcup 2022

कतारमा सुरु हुन लागेको फिफा विश्वकप फुटबलको प्रत्यक्ष प्रसारण नेपालमा पनि देखाउने सम्बन्धि विवाद झनै बढ्दै गएपछि, नेपालीले यसपटकको विश्वकप फुटबल हेर्न नपाउने सम्भावना बढ्दै गएको छ।

फिफा विश्वकप प्रसारणसम्बन्धी कार्य रोक्न सर्वोच्च अदालतले दिएको अन्तरिम आदेशपछि नेपाली दर्शक विश्वकपको प्रत्यक्ष प्रसारण हेर्न पाउने कि नपाउने भन्ने अन्यौलमा छन्।

नेपालमा अहिले भइरहेका कुनै पनि च्यानलमा विश्वकपको प्रत्यक्ष प्रसारण आउँदैन। त्यसको लागि मिडिया हबले एक्सक्लुसिभ प्रसारण अधिकार लिएर विश्वकपकै लागि नयाँ च्यानल लन्च गर्ने र त्यसको लागि ग्राहकले थप शुल्क तिर्नुपर्ने कुरा उठेपछि यो विवाद सर्वोच्चमा पुगेर रोकिएको हो।

विश्वकप प्रसारणको अन्तिम तयारी भइरहेका बेला सर्वोच्चका न्यायाधीश प्रकाशमान सिंह राउतको एकल इजलासले विश्वकप प्रसारण सम्बन्धी कार्यलाई यथास्थितिमा राख्नू भनी अन्तरिम आदेश दिएको छ । यधपी,अन्तरिम आदेशलाई निरन्तरता दिने वा नदिने विषयमा छलफल गर्न कात्तिक ३० गते छलफलका लागि बोलाइएको छ ।

नेपालभित्र कुनै पनि विदेशी च्यानलले कुनै पनि माध्यमबाट विश्वकप प्रसारण गर्न नपाउने गरी मिडिया हबले एक्सक्लुसिभ प्रसारण अधिकार लिएको अवस्थामा, मिडिया हबले विश्वकप देखाउन नसकेमा नेपालभित्र अन्य कुनै पनि माध्यमबाट विश्वकप हेर्न पाउने अवस्था रहँदैन ।

Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५