प्रधानमन्त्री शेरबहादुर देउवाको कात्तिक १७ गतेदेखि २० गतेसम्मको लागी तय भएको डडेल्धुराको चुनावी यात्रा स्थगित गर्न निर्वाचन आयोगले आदेश दिएको छ ।

सरकारी खर्चमा चुनावी प्रचारप्रसारका लागि डडेल्धुरा जाने तयारी गरेको भन्दै आयोगले उनको यात्रा स्थगित गर्न निर्देशन दिएको हो।

प्रधानमन्त्री तथा मन्त्रिपरिषद् कार्यालयले अनुमतिका लागि निर्वाचन आयोगमा पत्र पठाएको भएपनि, बुझ्दै जाँदा उहाँ सरकारी कामका लागि नभई चुनाब प्रचारप्रसारकै लागि जान खोजेको देखिएको र सरकारी खर्चमा जाने तयारि गरेको बुझिएकोले उनको यात्रा स्थगित गर्न निर्देशन दिएको आयोगले जनाएको छ।

निर्वाचन आचारसंहिता अनुसार प्रधानमन्त्री र मन्त्रीहरूलाई आफू उम्मेदवार भएको क्षेत्रबाहेक अन्यत्र प्रचारमा जान नदिने र सरकारी खर्चमा त्यस्ता कार्यक्रममा सहभागी हुन नपाउने भनि उल्लेख गरिएको छ।