१५ वर्षदेखि जेल जीवन बिताइरहेका नेपालीलाई साउदीमा मृत्युदण्ड

  • नेपाल राष्ट्रिय दैनिक
  • १६ कार्तिक २०७९, बुधबार ११:००
death sentence mrityudanda

१५ वर्षदेखि साउदी अरबमा जेल जीवन बिताइरहेका उदयपुरका विवेक दाहाललाई मृत्युदण्ड दिइएको छ ।

फेब्रुअरी २, २००७ मा आफन्त राजेन्द्र विष्टको हत्या गरेका दाहाललाई अदालतले विष्टको हत्यामा दोषी ठहर गर्दै मृत्युदण्डको सजाय सुनाएको थियो । दाहालले सँगै काम गर्ने विष्ट र सुडानी नागरिकलाई सुतिरहेका बेला हत्याको प्रयास गरेका थिए। विष्टको तत्काल मृत्यु भएको थियो भने सुडानी नागरिक घाइते भएका थिए।

दाहालको परिवारले पीडित राजेन्द्र विष्टको परिवारलाई ब्लडमनीबापत रकम दिएपछि सन् २०११ मा नेपाली दूतावासले जुवेलको अदालतमा आममाफी दिन निवेदन दिएको भएपनि उपचारपछि स्वदेश फिरेका सुडानी नागरिक माफी नदिई सर्म्पकविहीन भएका कारण उनलाई अदालतले माफी नदिएको बताइएको छ ।

आम माफीको विषयमा नेपालको तर्फबाट उच्च तहमा पटकपटक पहल गरेपनि सुनुवाइ नभएको नेपाली दुतावासले जनाएको छ। रियादस्थित नेपाली दूतावासका अनुसार साउदीको जुवेल जेल प्रशासनले नेपाली दूतावासलाई जानकारी नदिई दाहाललाई मृत्युदण्ड दिएको हो। जेल प्रशासनले एक्कासि मृत्युदण्डको सजाय कार्यान्वयन गरेको र ४८ घण्टापछि मात्रै सूचना दिएको दुतावासले जनाएको छ।

मृत्युदण्डपछि उनको शव परिवारलाई नदिई साउदीमा नै जमिनमा गाडिएको छ ।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५