झुटा फेसबुक पेज र ग्रुप हटाउन निर्वाचन आयोगको चेतावनी

  • नेपाल राष्ट्रिय दैनिक
  • ८ कार्तिक २०७९, मंगलवार २०:१०
nirwachan nirbachan aayog election ecn HX8p5vI2ik

निर्वाचन आयोगले एक प्रेस विज्ञप्ति जारी गर्दै, मंसिर ४ गते हुने प्रतिनिधिसभा तथा प्रदेशसभा सदस्य निर्वाचनका लागि उमेद्वारी दिएका दल र उमेद्वार विरुद्द विभिन्न लाञ्छनापूर्ण अभिव्यक्ति तथा भ्रामक र भ्रमपूर्ण प्रचार गर्न बनाइएका झुटा फेसबुक पेज र ग्रुप तत्काल हटाउन चेतावनी दिएको छ ।

“नो नट अगेन” नामक फेसबुक पेज तथा ग्रुपबाट निर्वाचनमा उम्मेदवार रहेका दलका नेताहरुको बारे विभिन्न लाञ्छनापूर्ण अभिव्यक्ति तथा भ्रामक र द्वेषपूर्ण श्रव्य / श्रव्यदृश्य सामग्री प्रकाशन गरेकोप्रति आयोगको गम्भिर ध्यानाकर्षण भएको बताउंदै, आयोगले त्यस्ता फेसबुक पेज तथा ग्रुपहरु तत्काल हटाउन निर्देशन दिएको छ।

झुठा फेसबुक पेज / ग्रुपहरु सिर्जना गरी दलका नेताहरुविरुद्ध प्रचारप्रसार गर्ने कार्य विद्युतीय (इलेक्ट्रोनिक) कारोवार ऐन, २०६३ को दफा ४७ निर्वाचन (कसुर तथा सजाय ऐन, २०७३ को दफा २३ को उपदफा (१) तथा निर्वाचन आचारसंहिता, २०७९ को दफा ४ को खण्ड (ञ), (ट), (ठ) र (ड) को प्रतिकुल रहेको भन्दै आयोगले उल्लेखित कसुर गर्नेलाई एक लाख रुपैयाँसम्म जरिवाना वा पाँच वर्ष कैद अथवा दुवै सजाय हुनसक्ने बताएको छ।

Election commission press realese 1
Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५