एस्टन भिल्लाले मुख्य प्रशिक्षक स्टिभन जेरार्डलाई बर्खास्त गरेको छ।

इंग्लिस प्रिमियर लिग अन्तर्गत बिहीबार भएको खेलमा एस्टन भिल्ला, फुलहमसँग ३-० ले पराजित भएपछि क्लबले उनलाई बर्खास्त गरेको हो। एस्टन भिल्ला अङ्क तालिकामा १७ औं स्थानमा रहेको छ भने फुलहमले नवौं स्थान प्राप्त गरेको छ।

एस्टन भिल्लाको वेबपेजमा ,”हामी स्टिभनलाई उनको कडा परिश्रम र प्रतिबद्धताको लागि धन्यवाद दिन चाहन्छौं र उनको भविष्यको लागि शुभकामना दिन्छौं” भनेर विज्ञप्ति सार्वजनिक गरिएको छ।

नोभेम्बर २०२१ मा डिन स्मिथको स्थानमा नियुक्त गरिएका जेरार्डले स्कटिश क्लब रेंजर्ससँग आफ्नो पहिलो व्यवस्थापकीय पदमा तीन वर्ष बिताएका थिए ।लिभरपुलका पूर्व मिडफिल्डर, जेरार्डले एनफिल्डमा प्रतिष्ठित १७ वर्षको व्यावसायिक करियरमा रेड्सका लागि ५०४ प्रिमियर लिग खेलेका थिए भने उनलाई २०२१ मा प्रिमियर लिग हल अफ फेममा समावेश गरिएको थियो।