बेलायती प्रधानमन्त्री लिज ट्रसले आज एक विज्ञप्ति जारी गर्दै कन्जरभेटिभ पार्टीको नेता र प्रधानमन्त्री पदबाट राजीनामा दिएकी छन् ।

टोरी नेताका रूपमा निर्वाचित भएको जनादेश दिन नसक्ने भन्दै उनले राजीनामा दिएकि हुन्। भावी प्रधानमन्त्रीको लागि कन्जरभेटिभ नेतृत्वको चुनाव अर्को हप्ता हुने र अर्को प्रधानमन्त्री चयन नहुँदासम्म आफु कार्यबाहकको रुपमा रहने पनि उनले बताएकी छन्।

४५ दिनको कार्यकाल मात्र पुरा गरेकी ट्रस बेलायतको इतिहासमा सबैभन्दा कम समय सेवा गर्ने प्रधानमन्त्री बनेकी छन्।

चार महिनामा दुई प्रधानमन्त्रीले राजीनामा दिएपछि बेलायतका विपक्षी दलका नेताहरूले भने तत्काल आम निर्वाचन गर्नुपर्ने माग गरेका छन् ।

स्वर्गीय महारानी एलिजाबेथ दृतियले नियुक्त गर्नुभएको उनि अन्तिम प्रधानमन्त्री थिइन भने उनको प्रधानमन्त्रीको कार्यकाल १० -दिनको शोक अवधिको साथ सुरु भएको थियो ।