संस्कृतिविद एवं शताब्दी पुरुष सत्यमोहन जोशीको १०३ वर्षको उमेरमा निधन

  • नेपाल राष्ट्रिय दैनिक
  • ३० आश्विन २०७९, आईतवार ०८:०७
satyamohan joshi

अस्पतालमा उपचाररत संस्कृतिविद एवं शताब्दी पुरुष सत्यमोहन जोशीको आज बिहान ७ बजेर ९ मिनेटमा १०३ वर्षको उमेरमा निधन भएको छ ।

लामो समयदेखि मुटु लगायत विभिन्न स्वास्थ्य समस्याले ग्रसित १०३ वर्षीय जोशीको स्वास्थ्यमा केहि सुधार देखिएतापनि पछिल्लो केहिदिन यता डेंगु संक्रमण भएपछी उहाँको स्वास्थ्य अवस्था जटिल बन्दै गएको कारण उहाँलाई सघन उपचार कक्ष (आईसीयू)मा राखेर उपचार अगाडि बढाइएको थियो ।

आफ्नो जीवन कालमा उहाँले पुरातत्त्व विभाग,प्रज्ञा प्रतिष्ठान र राष्ट्रिय समाचार समिति लगायत विभिन्न क्षेत्रमा रहेर काम समेत गर्नुभएको थियो। आफ्नो कृति र नेपाली कला संस्कृतिको संरक्षणमा आफ्नो कलम चलाउनुभएका जोशीले कर्णाली लोकसंस्कृति पुस्तक,हाम्रो लोक संस्कृति पुस्तक र नेपाली राष्ट्रिय मुद्राग्रन्थका लागि तिन पटक सम्म मदन पुरस्कार प्राप्त गर्नुभएको थियो।इतिहास र संस्कृतिको खोज अनुसन्धानमा अतुलनिय योगदान पुर्याउनु भएका जोशीले आफ्नो जीवन कालमा नेपाली कला र संस्कृतिको जगेर्ना र उत्थानको लागि पुर्याउनुभएको योगदान हामीमाझ सदैव रहिरहनेछ।

उहाँको जन्म शताब्दीको अवसरमा नेपाल सरकारले एक हजार रुपैयाँको चाँदीको सिक्का र उहाँको तस्विर अङ्कित १० रुपैयाँको हुलाक टिकट समेत प्रकाशन गरेको थियो।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५