नेकपा एमालेको रौतहट जिल्ला कमिटि विघटन गरिएको छ।

नेकपा एमालेका स्थायी कमिटी सदस्य तथा मधेश प्रदेशका सहइन्चार्ज प्रभु साह, एमाले रौतहटका जिल्ला अध्यक्ष त्रिभुवन साह लगायतका जिल्ला कमिटीका सदस्यहरू पार्टी विरोधी गतिविधिमा लागेको भन्दै नेकपा एमालेले रौतहटको जिल्ला कमिटि विघटन गरेको हो। एमाले प्रदेश कमिटी अध्यक्ष रामऔतार यादवले जिल्ला उपाध्यक्ष दीपक राय यादवलाई पत्र पठाउँदै जिल्ला कमिटी विघटन गरिएको जानकारी दिएका हुन् ।

मधेशमा एमालेका प्रभावशाली नेता मानिएका प्रभु साह र उनि निकटका नेताहरुले, मंसिर ४ गते हुने प्रतिनिधि सभा र प्रदेश सभाको निर्वाचनमा पार्टीको टिकट होल्ड गरेर अन्तिम समयमा स्वतन्त्र उम्मेद्वारी दिँदै मधेशमा एमाले खालि गराउन खोजेको र पार्टीको निर्णय विपरित पार्टीलाई कम्जोर बनाउन खोजेको भन्दै प्रभु साह लगायत उनको टिमका नेताहरुलाई पार्टीको साधारण सद्दस्य समेत नरहने गरि कारवाही समेत गरिएको छ।

यता, सत्ता गठबन्धनमा माओवादी केन्द्रको भागमा परेको रौतहट क्षेत्र न. ३ मा प्रभु साहले स्वतन्त्र उम्मेद्वारी दिएपछि, सत्ता गठबन्धनले आफ्नो उम्मेद्वारी निस्क्रिय गरेर प्रभु साहलाई सहयोग गर्ने पनि बताइएको छ।