प्रतिनिधि सभा सदस्यको लागि प्रधानमन्त्री एवं नेपाली काँग्रेसका सभापति शेर बहादुर देउवाको मनोनयन विरुद्द परेको उजुरी निर्वाचन आयोगले खारेज गरेको छ।

निर्वाचन आयोगले देउवाको मनोनयन विरुद्द परेको उजुरी खारेज गरे संगै डेलधुरामा उनको उम्मेदवारी कायम रहने भएको छ । मतदाता परिचयपत्रमा भएको जन्ममितिमा प्रिन्ट मिस्टेक भएको र देउवाको मनोनयन विरुद्दको उजुरी कानुनसम्मत नदेखिएको भन्दै निर्वाचन आयोगले देउवाको उम्मेद्वारी कायम रहने जनाएको छ।

नेपाली कांग्रेस बीपीका वरिष्ठ उपसभापति कर्णबहादुर मल्लले देउवाको नागरिकता र मतदाता नामावलीमा फरक-फरक जन्म मिति रहेकोले उनको उम्मेदवारी रद्द हुनुपर्ने भन्दै निर्वाचन अधिकृतको कार्यालयमा उजुरी दिएका थिए।