जसपाका मन्त्रीहरु हटाउन प्रधानमन्त्रीको तयारी

  • नेपाल राष्ट्रिय दैनिक
  • २५ आश्विन २०७९, मंगलवार ०९:४०
Sher bahadur deuba 1599401439

प्रधानमन्त्री शेरबहादुर देउवाले जनता समाजवादी पार्टीका मन्त्रीहरुलाई हटाउने तयारी गर्नुभएको बताइएको छ ।

जसपाले गठबन्धन छाडेर मंसिर ४ गते हुने प्रतिनिधिसभा र प्रदेशसभाको निर्वाचनमा एमालेसँगको समन्वयमा निर्वाचनमा जाने तयारी गरेपछि प्रधानमन्त्री देउवाले जसपाका मन्त्री हटाउने तयारी थाल्नुभएको बुझिएको छ। जनता समाजवादी पार्टीका मन्त्रीहरुलाई हटाउने तयारि गर्दै गर्दा,निर्वाचन आचारसंहिता लागू भइसकेकाले देउवाले निर्वाचन आयोग र कानुन व्यवसायीसँग परामर्श गरेर निर्णय गर्ने गठबन्धनका नेताहरुले बताएका छन्।

प्रधानमन्त्री देउवाले उनीहरुलाई हटाएपछि नयाँ नियुक्ति गर्न मिल्ने वा नमिल्ने भन्ने विषयमा पनि प्रमुख निर्वाचन आयुक्तसँग परामर्श गरेको स्रोतले जनाएको छ । तर आयोगले निर्वाचन आचारसंहिता लागू भइसकेकाले मन्त्रीलाई बर्खास्त गर्न मिल्ने भएपनि राजनीतिक नियुक्ति गर्न नसकिने बताएको छ ।

जसपाबाट संघीय मामिला तथा सामान्य प्रशासनमन्त्री राजेन्द्रप्रसाद श्रेष्ठ, भौतिक पूर्वाधार तथा यातायातमन्त्री मोहम्मद इस्तियाक राई, वन तथा वातावरणमन्त्री प्रदीप यादव र कृषि तथा पशुपन्छी विकासमन्त्री मृगेन्द्रकुमार सिंह यादव गठबन्धन सरकारको मन्त्रिपरिषदमा रहेका छन्।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५