सुनसरी क्षेत्र नं. ३ बाट प्रतिनिधिसभाका लागि उम्मेदवारी दर्ता गराएका नेपाली कांग्रेसका नेता विजयकुमार गच्छदारको उम्मेदवारी विरुद्ध निर्वाचन आयोगमा उजुरी परेको छ।
काठमाडौं ७ बस्ने युवा विवेक अधिकारीले भ्रष्टाचारको मुद्दा खेपिरहेका गच्छदारसँग चुनाव लड्ने नैतिकता नभएको भन्दै उनको उम्मेदवारी खारेजीको माग सहित आयोगमा उजुरी दिएका हुन्।
आयोगका प्रवक्ता शालिग्राम पौडेलले, गच्छदारविरुद्ध उजुरी आएको जानकारी गराउंदै, उक्त उजुरी निर्वाचन क्षेत्रमा पठाउन निर्देशन दिएका छन्। जिल्ला निर्वाचन कार्यालय सुनसरीले पनि प्राप्त उजुरी उपर छानविन गरिने बताएको छ।
बालुवाटारस्थित ललिता निवासको सरकारी जग्गा व्यक्तिको नाममा दर्ता गरेको ठहर गर्दै गच्छदारसहित १७५ जनालाई भ्रष्टाचारको मुद्दा दायर गरेकोमा,विशेष अदालतमा १० लाख धरौटी बुझाएर गच्छदार रिहा भएका थिए।
आफ्नो प्रतिक्रिया दिनुहोस्