फ्रान्सले नेटो र ईयू सम्बन्धी आफ्नो अडान परिवर्तन गर्नुपर्ने माग गर्दै प्रदर्शनकारीहरूको ठूलो भीडले फ्रान्सको पेरिसमा विरोध र्‍याली गरेको छ ।

प्रदर्शनकारीहरूले ‘प्रतिरोध’ र ‘फ्रेक्सिट’(फ्रान्सले युरोपियन युनियन छोड्नुपर्ने माग) लेखिएको ठूला ब्यानर बोकेर र्‍यालीमा सहभागी भएका थिए।

सामाजिक सञ्जालमा प्रकाशित भिडियोका अनुसार प्रदर्शनकारीहरुले “नाटो र युरोपियन युनियनबाट बाहिर निस्कौं” भन्ने नारा समेत लगाएका थिए।
उनीहरुले संसद भवन नजिक जुलुस निकाल्दै फ्रान्सेली राष्ट्रपति इमानुएल म्याक्रोनलाई पदच्युत गर्न पनि माग गरेका छन् ।

प्रदर्शनकारीहरूले नाटोको “युद्धअपराध ” को निन्दा गर्दै, हाल भइरहेको आर्थिक संकट र उर्जा लगायत स्वास्थ्यमा देखिएका प्रतिबन्धहरु, युक्रेनको द्वन्द्वमा रूसमा युरोपियन युनियन र नेटोले लगाएको प्रतिबन्धको कारण भएको भन्दै सो कदमको निन्दा समेत गरेका छन्।