उम्मेद्वारी मनोनयनको १ दिन अघि,अन्तिम समयमा आएर पार्टीले टिकट नदिएपछि पार्टी नै परित्याग गरेका नेकपा एमालेका स्थायी कमिटि सदस्य घनश्याम भूसालले स्वतन्त्र उम्मेद्वारी दर्ता गराउनुभएको छ।
नेता घनश्याम भुसालले सत्ता गठबन्धनको समर्थनमा रुपन्देही क्षेत्र नम्बर १ बाट स्वतन्त्र उमेदवारका रूपमा मनोनयनपत्र दर्ता गराउनुभएको हो। गठबन्धनमा माओवादी केन्द्रको भागमा परेको सो क्षेत्रमा माओवादीले नेता भूसाललाई समर्थन गरेको हो।
आइतबार पत्रकार सम्मेलन गरेर उम्मेद्वारी दर्ता गराउनुभएका भूसालले आफुप्रति सदाशयता देखाइ दिएकोमा माओवादी पार्टीलाई धन्यबाद समेत दिनुभएको छ।
आफ्नो प्रतिक्रिया दिनुहोस्