आगामी मंसिर ४ गते हुने प्रतिनिधिसभा सदस्यको निर्वाचनका लागि देशभरबाट २,४५२ र प्रदेशसभा सदस्यका लागि ३,३२६ जनाको उम्मेदवारी दर्ता भएको निर्वाचन आयोगले जनाएको छ ।

आयोगले निर्धारण गरेको बिहान १० बजेदेखि अपराह्न ५ बजेको समयसम्ममा प्रतिनिधिसभा अन्तर्गत मनोनयन परेको २,४५२ जनामा २,२२३ पुरुष र २२९ महिला रहेको जनाएको छ। त्यसैगरी, प्रदेशतर्फ ३०,३९ जना पुरुष, २८६ महिला र १ अन्य गरि कुल ३,३२६ जनाको उम्मेद्वारी परेको जनाएको छ।

आयोगले, केहि निर्वाचन क्षेत्रमा, निर्वाचन कार्यालमा उपस्थित रहेका केहि उम्मेदवारहरूको दर्ता कार्य जारी रहेकोले र कतिपय जिल्ला र निर्वाचन क्षेत्रमा सञ्चार सम्पर्क सहज नभएकाले उल्लेख गरिएको संख्यामा केहि थपघट हुनसक्ने बताएको छ।