अमेरिकी विरोधका बाबजुद पेट्रोलियम निर्यात गर्ने देशहरूको संगठन (ओपेक) र यसका सहयोगी राष्ट्रहरूले तेल उत्पादनमा अपेक्षाभन्दा ठूलो मात्रामा कटौती गर्न सहमती जनाएका छन्। विज्ञहरूले भने ओपेकको यो कदमले विश्व व्यवस्थामा अमेरिकी शक्तिको प्रभाव खस्कंदै गएको पुष्टि भएको र यो कदमले ओपेक सदस्य राष्ट्रहरू र अमेरिकाबीचको दुरी थप बढाउने बताएका छन्।

मुद्रास्फीति विरुद्ध आलोचना खेपिरहेको बाइडेन प्रशासनलाई,ओपेकको यो निर्णयले आगामी मध्यावधि चुनाव अघि थप राजनीतिक दबाबको सामना गर्नुपर्ने देखिन्छ भने ऊर्जाको मूल्य बढेर युरोपको आर्थिक अवस्थालाई पनि नराम्रो असर पार्ने विज्ञहरूले बताएका छन् ।अमेरिकी शक्तिको पक्षपोषण गर्दै आइरहेको युरोपेली राष्ट्रहरुलाई यो निर्णयले आर्थिक र सामाजिक रुपमा थप कम्जोर पार्ने अनुमान गरिएको छ।यहि कारणले पनि पछिलो समय अमेरिकाको निर्णय मान्ने र नमान्ने भन्नेमा युरोपिली मुलुकहरुबीच नै मतभेद स्पष्ट रुपमा सतहमा देखिन थालेको छ।

ओपेक र यसका सहयोगी राष्ट्रहरूले तेल उत्पादनमा दैनिक २० लाख ब्यारेल तेल कटौती गर्ने निर्णय गरेका छन् , जुन विश्वव्यापी तेल आपूर्तिको २ प्रतिशत बराबर हुन जान्छ। ओपेकको यो निर्णय लगत्तै विश्व बजारमा तेलको मूल्य वृद्धि भएको छ। कच्चा तेल ८५.१४ डलर बात बढेर बढेर $९३.४३ प्रति ब्यारेल पुगेको छ।

डिजिटल-रियल इकोनोमी इन्टिग्रेशन फोरमका उपमहासचिव हु किमुले,अमेरिकाले आफ्नो रणनीतिक फोकस मध्य पूर्वबाट एसिया प्रशान्त क्षेत्रमा सार्दै गरेको पृष्ठभूमिमा, मध्य पूर्वका देशहरू पहिलेको जस्तो भूराजनीतिक संरक्षणको लागि अमेरिकामा भर पर्नुपर्ने कुनै पनि अवस्था नरहेको बताएका छन्।

अमेरिकी नीतिहरू बढ्दो आत्म-केन्द्रित हुँदै गइरहेका र उनीहरूले अन्य देशहरूको पतनको जगमा आर्थिक विकास निर्माण गरिरहेको पनि उनले बताएका छन्। विश्लेषक हरुले पनि,विगतमा अमेरिकी राष्ट्रिय शक्तिको वर्चस्वको वरिपरि धेरै देशहरू रहेपनि, विश्व व्यवस्था डगमगाएको आजको परिवेशमा कम्जोर अन्तराष्ट्रिय विदेश नीति र मुद्रास्फीतिजस्ता आर्थिक समस्याले अमेरिकी शक्ति खस्कँदै गएको बताएका छन्।

तस्विर : फाइनान्सियल टाइम्स