गठबन्धन बाहिर जसपा :एमालेसंग चुनावी तालमेल

  • नेपाल राष्ट्रिय दैनिक
  • २१ आश्विन २०७९, शुक्रबार १२:४२
oli and upendra yadav

प्रधानमन्त्री निवास बालुवाटारमा गठबन्धन दलबीच छलफल चलिरहेको बेला जसपाले भने एमालेसँग चुनावी सहमतिको छलफल अगाडी बढाएको छ। गठबन्धनको बैठक छोडेर यतिबेला जसपा अध्यक्ष यादव बालकोट छलफलमा व्यस्त रहेका छन् । गठबन्धनभित्र आफु अनुकुल निर्णय नहुने र सम्मानजनकरुपमा सिट बाँडफाँट नहुने देखेपछि, अघिल्लो साता नै जसपाले सबै दलहरुसँग चुनावी तालमेल गर्नका लागि मार्ग खुला गर्ने निर्णय गरेको थियो।

गठबन्धनमा रहेर मधेसमा १६ सहित २४ सीटको दावी गर्दै आएको जसपाले बालकोट पुगेर एमाले अध्यक्ष केपी शर्मा ओलीसँग भेटवार्ता गरेका र एमालेसंग करिब २० देखि २२ सिटसम्म सहकार्य गर्ने गरि चुनावी तालमेलको गृहकार्य अगाडी बढाएको छ।

गठबन्धनबाहिर समानान्तर रुपमा चुनावी तालमेलको रणनीति लिएर अन्य दलसंग छलफल र सहकार्यको मार्ग खुल्ला राखेको जसपाले लोसपासंग पनि सहकार्य गरेर चुनावी तालमेल अगाडी बढाउने बुझिएको छ। अन्तिम समयमा आएर उपेन्द्र यादवले लिएको युटर्नले यतिबेला गठबन्धनका बाँकी दलहरुलाई भने अप्ठेरोमा पारेको देखिन्छ। यता गठबन्धनका नेताहरु यादवलाई फकाउने कसरतमा लागेका छन् भने अर्कोतर्फ यादव आफैँ गठबन्धन बाहिरको समानान्तर सहकार्यमा नयाँ चुनावी तालमेलको रणनीतिमा अघि बढिसकेका छन्।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५