ऊर्जाको मूल्यवृद्धिको विरोध गर्दै हजारौं बेलायती नागरिकहरूले आफ्ना ऊर्जा बिलहरू जलाएका छन् ।

बेलायतका विभिन्न शहरबाट निस्किएको नागरिकहरुको र्‍यालीले ऊर्जाको बिल जलाएर विरोध प्रदर्शन गरेका थिए । प्लेकार्ड र ब्यानर सहित प्रदर्शनमा उत्रिएका मानिसहरूले शहरका विभिन्न क्षेत्रमा सरकार विरोधी नाराबाजी समेत गरेका थिए।

नयाँ ऊर्जा मूल्यले प्रति घरपरिवारको बिल औसत £१९७१ बाट वार्षिक रूपमा £२५०० मा वृद्धि गरेपछि विरोध प्रदर्शन सुरु भएको हो। यता उर्जा अधिकारीहरूले भने आगामी वर्ष ऊर्जा बिल बढेर £ ६५०० सम्म पुग्न सक्ने अनुमान गरेका छन्।

रुस युक्रेन युद्दलाई लिएर नाटो राष्ट्रहरुले रुसलाई लगाएको आर्थिक प्रतिबन्धसँगै युरोपियन मुलुकहरुमा उर्जा संकट बढ्दै गएको छ भने उर्जाको मूल्य इतिहासकै उच्च कायम हुन पुगेको छ।